Marco Stolfo si à laureât in Siencis politichis a Turin e al è dotôr di ricercje in Storie dal federalisim e de unitât europeane. Al è ricercjadôr in Storie des relazions internazionâls li de Universitât di Turin, là che al insegne Storie des relazions internazionâls e Storie e politichis de integrazion europeane. Al à ancje colaborât cu la Universitât dal Friûl cun ativitâts didatichis e di ricercje di caratar storic e politologjic. I siei interès a tocjin diviers argoments – integrazion europeane, tutele des minorancis, partîts e moviments politics nazionalitaris e regjonaliscj, politichis linguistichis, identitât europeane e rapuarts tra media e storie – e al è autôr di cetantis publicazioni dedicadis a chescj temis.
Di passe trente agns al davuelç ancje ativitât gjornalistiche inte stampe cuotidiane e periodiche, tal web e par radio. Al colabore, tra l’altri, cul Messaggero Veneto, cu La Patrie dal Friûl e cun Radio Onde Furlane, là che al è responsabil di trasmissions tant che Babêl Europe, il cuindisinâl di musiche e informazion dedicât aes nazionalitâts minorizadis europeanis.
