Ai 9 di Jugn stât si è davuelte la IV Conference regjonâl su la lenghe furlane, li dal Auditorium de culture furlane di Gurize.

Un incuintri impuartant fat in atuazion dal articul 30 de leç regjonâl 29/2007, che si varès di davuelzi dentri dai prins doi agns di ogni legjislature su iniziative dal President dal Consei, par verificâ se a son stâts otignûts i obietîfs de normative pe tutele de lenghe e par fâ gnovis propuestis.

Tant che Pat pe Autonomie o sin une vore convints che la tutele e la promozion dal furlan, dal sloven e dal todesc a sedin fondamentâls no dome par difindi e rilançâ la idee stesse di Specialitât regjonâl, ma massime par dî cun fuarce che la diversitât e je un valôr e che la nestre tiere e je straordenarie propit pe pluralitât di lenghis e culturis diferentis, che a àn vivût insiemi di simpri e si son miscliçadis. Valorizâ cheste varietât e je une dai antidots plui potents al vignî indevant dai gnûfs nazionalisims e ae retoriche de ipertalianitât che une Diestre simpri plui rogante e lazarone e sta propagandant ogni volte che e pues.

Par chest o vin inmaneât ancje un incuintri preparatori ae Conference regjonâl, che si è davuelt ai 28 di Mai a Udin e al è stât une vore partecipât e siôr di analisis, propuestis e massime di confront e dibatit. 

Magari cussì no, no crôt che si puedi dî compagn pe Conference di Gurize.

Une conference cence confront

La sielte di fâ intun dopomisdì unic dute la iniziative, e à puartât a lassâ pôc timp pai intervents des personis presintis, o miôr di chês che a àn tignût dûr e a son restadis fin aes 7 di sere sù par jù, ven a stâi fin cuant che si à podût tacâ a fâ cualchi domande ai relatôrs, cuant che però no jerin plui i rapresentants de Zonte o dal Consei regjonâl (cuasi ducj).

E sì che i elements par discuti, vignûts fûr dai intervents, a saressin stâts tancj, a tacâ dai dâts su la diminuzion des personis che a doprin il furlan, massime tes gjenerazions zovinis, une situazion che e preocupe e une tindince che no sta miorant.

A saressin stadis tantis robis di dî ancje su chel che e fâs, o no fâs, la Aministrazion regjonâl, in particolâr su lis normis di atuazion dal Statût di Autonomie che al varès di puartâ plui competencis fevelant di politichis linguistichis, tant che al veve proponût il nestri Grup e domandât ae Comission paritetiche e ae Zonte regjonâl cu la risoluzion cul mandât politic dal Consei pe Paritetiche, e fate buine de plui part de maiorance l’an passât.

Al sarès coventât ancje un confront larc par capî se doi organisims fondamentâi pe tutele de lenghe e de identitât furlane, tant che la Arlef – Agjenzie regjonâl pe lenghe furlane e la Aclif – Assemblee de comunitât linguistiche furlane, a àn avonde risorsis economichis finanziariis e umanis e se li stan doprant al miôr.

Bisugne dâsi da fâ di gnûf

Invezit l’apontament di Gurize nol à dât la pussibilitât di lâ insot in nissun di chescj aspiets, tant che al sarès stât di fâ. Paradossâl che nol vedi spiegât nancje parcè che a Gurize i materiâi di promozion pe Capitâl europeane de culture no sedin stâts stampâts ancje par furlan e par todesc.

Dal sigûr no ten la difese grotesche dal Assessôr gurizan presint ae Conference che al à vût dit che “no son avonde bêçs”…

Pûr il mont culturâl furlan al à tant ce dî, al sa esprimi competencis e professionalitâts che a puedin, se coordenadis e valorizadis, tentâ la imprese titaniche di salvâ une lenghe che se di no e riscje di sparî tal zîr di cualchi deceni.

Par chest tant che Pat pe Autonomie o volìn lâ indevant tal percors inviât ai 28 di Mai stât a Udin e tignî viert un spazi di confront e dibatit che o pensìn necessari, in particolâr in prevision dal an che al ven, cuant che al sarà discutût e votât il prossim Plan di politiche linguistiche. 

Dutis e ducj chei che a volaran contribuî cun analisis e propuestis, a son benvignûts.

Ancje dopo des 7 di sere.

---

Dopo Gorizia, tanto da fare per una vera politica linguistica per il friulano

Il 9 giugno scorso si è svolta la IV Conferenza regionale sulla lingua friulana, presso l’Auditorium della Cultura Friulana di Gorizia. 

Un incontro importante, in attuazione dell’articolo 30 della legge regionale 29/2007, che si dovrebbe svolgere entro i primi due anni di ogni legislatura su iniziativa del Presidente del Consiglio, con l’obiettivo di verificare il raggiungimento degli obiettivi della normativa finalizzata alla tutela della lingua e di elaborare nuove proposte. 

Come Patto per l’Autonomia siamo profondamente convinti che la tutela e la promozione del friulano, dello sloveno e del tedesco siano fondamentali non solo per difendere e rilanciare l’idea stessa di Specialità regionale, ma soprattutto per affermare con forza che la diversità è un valore e che la nostra terra è straordinaria proprio perché è abitata da una pluralità di lingue e culture diverse, che da sempre hanno convissuto e si sono mescolate. Valorizzare questa varietà è uno degli antidoti più potenti all’avanzata dei nuovi nazionalismi e alla retorica dell’iper-italianità che una Destra sempre più arrogante e cialtrona sta propagando in ogni occasione utile. 

Per questo abbiamo organizzato anche un incontro preparatorio alla Conferenza regionale, che si è svolto il 28 maggio a Udine ed è stato molto partecipato e ricco di analisi, proposte e soprattutto di confronto e dibattito.

Purtroppo non credo si possa dire la stessa cosa della Conferenza di Gorizia. 

Una conferenza senza confronto

La scelta di compattare in un solo pomeriggio il programma dell’iniziativa ha portato a lasciare un tempo residuale per gli interventi delle persone presenti, o meglio di quelle che hanno avuto la tenacia per rimanere fino alle 19.00 circa, ora in cui è stato possibile rivolgere qualche domanda ai relatori, ormai in assenza dei rappresentanti della Giunta e del Consiglio regionale (quasi tutti). 

Eppure gli spunti di riflessione derivanti dagli interventi che si sono succeduti sarebbero stati molteplici, a partire dai dati sulla diminuzione delle persone che utilizzano il friulano, soprattutto nelle nuove generazioni, una situazione preoccupante e una tendenza che non accenna a migliorare. 

Ci sarebbero state molte cose da dire anche su quanto fa, o meglio non fa, l’Amministrazione Regionale, in particolare sulle norme di attuazione dello Statuto di Autonomia che dovrebbero portare maggiori competenze in termini di politiche linguistiche, come proposto dal nostro gruppo e richiesto alla Commissione Paritetica e alla Giunta regionale con la risoluzione contenente il mandato politico del Consiglio per la stessa Paritetica e approvata a larghissima maggioranza lo scorso anno. 

Sarebbe stato opportuno anche un confronto ampio per capire se due organismi fondamentali per la tutela della lingua e dell’identità friulana come l’Arlef – Agenzia Regionale per la Lingua Friulana e l’Aclif – Assemblea della Comunità Linguistica Friulana, hanno a disposizione sufficienti risorse economico-finanziarie e umane e se le stanno utilizzando nel modo migliore.

Bisogna di nuovo rimboccarsi le maniche

Invece l’appuntamento di Gorizia non ha dato la possibilità di approfondire nel modo necessario nessuno di questi aspetti. Paradossalmente non è stato in grado di spiegare neanche perché a Gorizia i materiali promozionali per la Capitale europea della cultura non sono stati stampati anche in friulano e tedesco. 

Di certo non può valere la grottesca difesa dell’Assessore goriziano presente alla Conferenza per il quale “non ci sono abbastanza soldi” … 

Eppure il mondo culturale friulano ha molto da dire, sa esprimere competenze e professionalità che possono, se coordinate e valorizzate, tentare l’impresa titanica di salvare una lingua che diversamente rischia di sparire nell’arco di qualche decennio. 

Per questo come Patto per l’Autonomia intendiamo proseguire il percorso avviato il 28 maggio scorso a Udine e tenere aperto uno spazio di confronto e dibattito che riteniamo sia necessario, in particolare in vista del prossimo anno, quando dovrà essere discusso e votato il prossimo Piano di Politica Linguistica. 

Tutte e tutti coloro che vorranno contribuire con analisi e proposte, sono benvenuti. 

Anche oltre le ore 19.00…